Làlúrí burúkú ló ṣẹlẹ̀ lálẹ́ ọjọ́ ìṣẹ́gun ọ̀sẹ̀ yìí ní Santo Domingo ní orílẹ̀-èdè Dominican níbi tí àjà ilé fàájì kan ti jìn lásìkò tí gbájúmọ́ eléré kan tó ń jẹ́ Rubby àti àwọn ẹgbẹ́ Merengue artist rẹ̀ ti ń dá àwọn ènìyàn lára yá .
Kò dín ní ọ̀ọ́dúnrún ènìyàn (300) tó wà ní inú gbọ̀ngàn fàájì yìí nígbà tí làlúrí náà ṣẹlẹ̀.Ọ̀pọ̀lọpọ̀ ènìyàn kú tí ogunlọ́gọ̀ sì fara pa.
Lára àwọn tó wà nínú ilé fàájì náà lásìkò tí àjà jìn ni àwọn ògbóhùntarìgì eléré ìdárayá tó tí gba àmì ẹ̀yẹ àgbáyé mẹ́rin ọ̀tọ̀ọ̀tọ̀.Rubby tó ń ṣe eré lọ́wọ́ lásìkò tí ìṣẹ̀lẹ̀ náà ṣẹ̀ bá ìṣẹ̀lẹ̀ náà rìn.
Oyè Oyèdọ̀tun jẹ́ gbajúgbajà Agbóhùnsáfẹ́fẹ́ Oníròyìn,Akéwì,Olórin,Ọ̀ǹkọ̀wé, àti Ajàfẹ́tọ̀ọ́ ọmọnìyàn.Ìfẹ́ rẹ̀ sí iṣẹ́ ìròyìn àti èdè Yorùbá ló fa ìdásílẹ̀ ìkànnì yìí.A ti fi ìkòkò ṣe ọbẹ̀,ó yá ẹ je ká tọ́ ọ wò..Oyinmọmọ!