Ní ìpínlẹ̀ Oǹdó
Àwọn èrò tó ń lọ sí Saudi Arabia láti ìpínlẹ̀ Oǹdó ti ṣetán báyìí nipasẹ ìgbáràdì ọlọ́kanòjọ̀kan.
Lára ìgbáradì náà ni kikọ nipa ẹ̀sìn, ẹ̀kọ́ ìmọ̀ ìjìnlẹ̀ nípa èèwọ̀ àti ẹ̀tọ́ tí a lè ṣe ní ilẹ̀ Lárúbáwá.Pabambarì rẹ̀ wá ni gbígba abẹ́rẹ́ tó lè dènà àwọn àìsàn bíi ibà Jẹ̀dọ̀jẹ̀dọ̀,abbl
Okòólélẹ́ẹ̀ẹ́dẹ́gbẹ̀rin (720) ni àpapọ̀ àwọn tó fẹ́ lọ sí ilẹ̀ mímọ́ ní ìpínlẹ̀ Oǹdó nínú èyí tí okọ̀ólélọ́ọ̀ọ́dúnrún(320) ni àwọn Obìrin nígbà tí irínwó (400)jẹ́ ọkùnrin .
Nínú ọ̀rọ̀ rẹ̀, alága ìgbìmò tó ń ṣètò ìrìnàjò Mẹ́kà sọ pé igbimọ náà ti gbáradì láti mú kí ìrìnàjò tí ọ̀tẹ̀ yìí dùn kó sì ní arinrin.
Ọjọ́ márùndínlógójì ní wọ́n yóò lò ní Sáúdí Arábíà.Ọjọ́ kẹwàá oṣù karùn-ún ọdún yìí ni àwọn Alhaji ati Alhaja náà yóò tẹkọ̀ létí lọ sí ìlù Ìlọrin níbí tí wọn yóò ti fi bàálù gbé wọn lọ sí Saudi Arabia ní ọjọ́ kọkànlá, Kejìlá àti ìkẹtàlá oṣù karùn-ún ọdún yìí.
Oyè Oyèdọ̀tun jẹ́ gbajúgbajà Agbóhùnsáfẹ́fẹ́ Oníròyìn,Akéwì,Olórin,Ọ̀ǹkọ̀wé, àti Ajàfẹ́tọ̀ọ́ ọmọnìyàn.Ìfẹ́ rẹ̀ sí iṣẹ́ ìròyìn àti èdè Yorùbá ló fa ìdásílẹ̀ ìkànnì yìí.A ti fi ìkòkò ṣe ọbẹ̀,ó yá ẹ je ká tọ́ ọ wò..Oyinmọmọ!