Gómìnà ìpínlẹ̀ Rivers àná tíì tún í ṣe Mínísítà fún olú-ìlú ilẹ̀ wa,Nyensom Wike ti ṣe àpèjúwe Gómìnà tẹ́lẹ̀ rí ní ìpínlẹ̀ Rivers,Dókítà Peter Odili gẹ́gẹ́ bíi àgbà tí kò to ilé,Alábúkà méjì àti ṣeku-ṣẹyẹ ẹ̀dá.
Wike, ẹni tó gba ẹnu Olùbádámọ̀ràn nípa ìròyìn rẹ̀,Lérè Ọláyínká sọ̀rọ̀ nílùú Abuja ṣe àlàyé pé ọ̀rọ̀ tí Odili sọ nígbà tí Gomina ipinle Rivers,Fubara wá kìí kú ọdún kérésìmesì níbi tó ti ṣe àpèjúwe Fubara gẹ́gẹ́ bíi Ògbìgbà tó gba ìpínlè Rivers silẹ lóko amúnisìn Nyensom Wike gégé bíi ọ̀rọ̀kọrọ̀ tí kò yẹ kí ó máa jáde lẹ́nu àgbàlagbà bíi Odili
Ọláyinka ní bí ẹni méji bá ń jà,ẹ̀tọ́ àgbà tó bá wà níbẹ̀ ní kó máa wá bí ìjà náà yóò ṣe rodò lọ mumi, kìí ṣe kí irúfẹ́ àgbà bẹ́ẹ̀ jẹ oyè Adárúgúdù sílẹ̀.
Oyè Oyèdọ̀tun jẹ́ gbajúgbajà Agbóhùnsáfẹ́fẹ́ Oníròyìn,Akéwì,Olórin,Ọ̀ǹkọ̀wé, àti Ajàfẹ́tọ̀ọ́ ọmọnìyàn.Ìfẹ́ rẹ̀ sí iṣẹ́ ìròyìn àti èdè Yorùbá ló fa ìdásílẹ̀ ìkànnì yìí.A ti fi ìkòkò ṣe ọbẹ̀,ó yá ẹ je ká tọ́ ọ wò..Oyinmọmọ!